Menungsa Grobag

Menungsa Grobag

Marnani urip ing Jakarta

Mingser seka kene menyang kana

Ambegan kang gumantung karo uwuh

Ngemis gelo sakndhuwure grobag

Tan ana papan kanggo ngeyup

Tan ana papan kanggo sulaya lan nggresula

Ngrasakke anget lan ademe wektu

Madeg ana ing kutha kang mbegu

Tan ana kang preduli

Mesthi dadi sapu resike pol PP kang patroli

Tan ana kang kersa ngrasakke uripe

Nadyan pasa lagi liwat winginane

Apa kang wong-wong kae goceki

Apa kang wong-wong kae arepi

Seka reged utering grobag kang tepo

Seka cendhalaning lebu kang uga padha sulaya

Apa ora ana sakkothak wae lemah kanggo wong-wong kae ?

Apa ora ana sakgenggem kapuk wae kanggo turu wong-wong kae ?

Apa ora ana saklembar wae kertas kanggo sinau bocah-bocah kae ?

Nailka, kowe meksa wong-wong kae ndorong grobag

Seka kene tumuju kana

Mlaku ana ing sakngisoring panase kalandara

Menungsa grobag namati kejem utering rodha