Geguritan Bab Sosial

CAH NDALAN

Duk sandyakala mara

Ngrembenke lakune rata

Nggumyati prapatan bangjo

Mandho karo sambat nglokro

Pawitan swara apa anane

Dadi widu karo kanca - kancane

Ngajab bisa cethak sekolahe

Lan duwe dhuwit kanggo mangane

Kunthing lan bledug

Tanpa canela midak sela

Guthenge aspal dadi mitra

Suryan kang padha ngenteni dayaka

Paringana yatra dhuh bendara

Paringana mami empan supados tan nglokro

Ngajap karunya saking para rara

Kagem sedaya kanca kawula

Cah melik sakpinggiring dalan

Tutup botol dadi kicrikan

Barengan karo bledug kang ngampak - ampak

Ing sakmburine kemilon kang tan omongan

Tan sambat

Padha tetembangan tanpa kendhat

Sekaran, 10 November 2015

Cah Mbang Gula Karet